قومي ڪرڪيٽ ٽيم ٽي ٽوئنٽي ورلڊ ڪپ ۾ شرڪت لاءِ دبئي رواني

  لاهور: (جمعو 15 آڪٽوبر 2021ع) قومي ڪرڪيٽ ٽيم ٽي ٽوئنٽي ورلڊ ڪپ ۾ شرڪت جي لاءِ چارٽرڊ جهاز ذريعي متحده عرب امارات رواني ٿي وئي. پاڪستاني ڪر...

 

لاهور: (جمعو 15 آڪٽوبر 2021ع) قومي ڪرڪيٽ ٽيم ٽي ٽوئنٽي ورلڊ ڪپ ۾ شرڪت جي لاءِ چارٽرڊ جهاز ذريعي متحده عرب امارات رواني ٿي وئي. پاڪستاني ڪرڪيٽ ٽيم جا رانديگر ۽ ٻيو اسٽاف خاص جهاز جي ذريعي دبئي روانو ٿيو.

قومي ٽيم جي ڪپتان بابر اعظم سوشل ميڊيا تي جاري ڪيل بيان ۾ چيو آهي ته اوهان جي مدد هر شيءَ کان وڌيڪ اهم آهي. پنهنجي ٽيم سان گڏ رهو، مدد ڪريو ۽ يقين رکو. قومي اسڪواڊ ۾ شامل 15 رانديگر، 3 ٽيرول ريزرو ۽ مددگار اسٽاف جا ميمبر دبئي ۾ هڪ ڏينهن جي آئسوليشن مڪمل ڪندا.

قومي ٽي ٽوئنٽي اسڪواڊ جي ڪجهه ميمبرن جا گهر ڀاتي به متحده عرب امارات وڃي رهيا آهن. متحده عرب امارات ۾ ٽي ٽوئنٽي ورلڊ ڪپ جي شروعات 17 آڪٽوبر کان ٿيندي ۽ بابر اعظم جي اڳواڻي ۾ پاڪستاني ٽيم 24 آڪٽوبر تي ڀارت جي خلاف پنهنجو پهريون ميچ کيڏندي.